மூத்த கம்யூனிஸ்ட் தலைவர் ஆர். நல்லகண்ணு காலமானார் – அரசியல் உலகம் துயரில்!

இந்திய கம்யூனிஸ்ட் கட்சியின் (CPI) மூத்த தலைவர் R. Nallakannu இன்று (பிப்.25) காலமானார். வயது மூப்பு மற்றும் உடல்நலக் குறைவு காரணமாக சிகிச்சை பலனின்றி அவர் உயிரிழந்ததாக தகவல்கள் தெரிவிக்கின்றன.

கடந்த ஆண்டு ஆகஸ்ட் 22ஆம் தேதி வீட்டில் தவறி விழுந்ததில், அவருக்கு தலையில் காயம் ஏற்பட்டது. இதையடுத்து நந்தனத்தில் உள்ள தனியார் மருத்துவமனையில் அனுமதிக்கப்பட்டார். அங்கு ஸ்கேன் உள்ளிட்ட பரிசோதனைகள் செய்யப்பட்டு தலையில் தையல் போடப்பட்டு, தீவிர சிகிச்சைப் பிரிவில் சிகிச்சை அளிக்கப்பட்டது.

பின்னர் உடல்நிலை சற்று முன்னேற்றம் கண்டாலும், திடீர் மூச்சுத்திணறல் ஏற்பட்டதால் அவர் Rajiv Gandhi Government General Hospital மருத்துவமனைக்கு மாற்றப்பட்டார். அங்கு அவசர சிகிச்சைப் பிரிவில் தீவிர சிகிச்சை வழங்கப்பட்டது.

கடந்த பிப்ரவரி 1ஆம் தேதி மீண்டும் திடீர் மூச்சுத் திணறல் ஏற்பட்டதால், அவர் மீண்டும் மருத்துவமனையில் அனுமதிக்கப்பட்டார். மேலும், பிற உடல்நலப் பிரச்சினைகளும் இருந்ததாக கூறப்படுகிறது. 20 நாட்களுக்கு மேலாக தீவிர சிகிச்சையில் இருந்த அவரின் உடல்நிலை கவலைக்கிடமாக இருந்ததாக மருத்துவ வட்டாரங்கள் தெரிவித்தன.

இந்நிலையில், இன்று (பிப்.25) சிகிச்சை பலனின்றி அவர் காலமானார். அவரது மறைவுக்கு அரசியல் தலைவர்கள் மற்றும் பல்வேறு தரப்பினர் இரங்கல் தெரிவித்து வருகின்றனர்.

தமிழக அரசியல் வரலாற்றில் எளிமை மற்றும் நேர்மைக்கான அடையாளமாக விளங்கிய ஆர். நல்லகண்ணுவின் மறைவு பெரும் இழப்பாக பார்க்கப்படுகிறது.