4 மாணவிகளை அடித்து தூக்கிய கார் – பரபரப்பு வீடியோ

கேரளாவில் ஆலப்புழாவில் குடிபோதையில் ஓட்டிவந்த கார் மோதி பயங்கர விபத்து சாலையில் நடந்து சென்ற பள்ளி மாணவிகள் தூக்கி வீசப்படும் சிசிடிவி காட்சிகள் வெளியாகியுள்ளன.

கேரளாவின் ஆலப்புழா பூச்சாகால் பகுதியைச் சேர்ந்த மனோஜ், ஆனந்த் ஆகியோர் இன்று மதியம் 2 மணி அளவில் டாடா இண்டிகோ காரில் ஆலப்புழா நோக்கிச் சென்றுள்ளனர்.

அப்போது மாணவிகள் சென்று கொண்டிருந்த சாலையின் எதிர்புறத்தில் இருந்து ஒரு கார் அதிவேகமாக கட்டுப்பாட்டை இழந்தபடி தாறுமாறாக வந்து கொண்டிருந்தது.

இருவரும் குடிபோதையில் இருந்ததாகக் கூறப்படும் நிலையில், 4 பள்ளி மாணவிகள் மற்றும் சைக்கிளில் வந்த ஒரு மாணவி மீது இவர்களது கார் அடுத்தடுத்து மோதியது. இதில் மாணவிகள் தூக்கி வீசப்படும் சிசிடிவி காட்சிகள் வெளியாகியுள்ளன.

மாணவிகள் மீது மோதிய கார் கட்டுப்பாட்டை இழந்து சாலையோர மரத்தின் மீது மோதி நின்றது. இதில் காரை ஓட்டி வந்த இருவரும் படுகாயமடைந்தனர். கார் மோதியதில் 2 மாணவிகளுக்கு கால்கள் உடைந்ததாகக் கூறப்படுகிறது.