யார் இந்த ஆர். நல்லகண்ணு? 80 ஆண்டுகள் போராட்ட வாழ்வு – எளிமையின் சிகரம்!

R. Nallakannu 1925ஆம் ஆண்டு டிசம்பர் 26ஆம் தேதி தூத்துக்குடி மாவட்டம் Srivaikuntam பகுதியில் ஒரு சாதாரண விவசாயக் குடும்பத்தில் பிறந்தார். சிறுவயதிலேயே சமூக அநீதிக்கு எதிராகக் குரல் கொடுத்தவர்.

இளம் வயதில் காங்கிரஸ் கட்சியில் இணைந்து சுதந்திரப் போராட்டங்களில் ஈடுபட்டார். பின்னர் 1943ஆம் ஆண்டு தனது 18வது வயதில் Communist Party of India (CPI) கட்சியில் இணைந்தார். அதன்பிறகு இறப்பு வரை அதே கட்சியில் செயல்பட்டார்.

சிறை வாழ்க்கை மற்றும் போராட்டங்கள்

‘உழுபவனுக்கே நிலம் சொந்தம்’ என்ற கோரிக்கையுடன் CPI நடத்திய போராட்டத்தில் அவர் முன்னணியில் இருந்தார். இதன் காரணமாக சதி வழக்கில் கைது செய்யப்பட்டு 7 ஆண்டுகள் சிறையில் இருந்தார்.

1952ஆம் ஆண்டு ஆயுள் தண்டனை விதிக்கப்பட்டபோது அவருக்கு வயது வெறும் 27.

சிறை வாழ்க்கையிலும் அவர் மனவலிமையை இழக்கவில்லை. ஒடுக்கப்பட்ட மக்களுக்கான போராட்டம் தொடர வேண்டும் என்ற உறுதியுடன் வாழ்ந்தார்.

விவசாயி, தொழிலாளர் குரல்

25 ஆண்டுகள் விவசாயத் தொழிலாளர் சங்கத் தலைவராகவும், 13 ஆண்டுகள் CPI மாநில செயலாளராகவும் பணியாற்றினார்.

இரண்டாம் உலகப்போரின்போது ஏற்பட்ட உணவுத்தட்டுப்பாட்டில், “ஜனசக்தி” பத்திரிகை மூலம் உணவுப் பதுக்கல் விவகாரத்தை வெளிச்சத்துக்கு கொண்டு வந்தார். இதன் மூலம் ஆயிரக்கணக்கான நெல் மூட்டைகள் மக்களுக்கு கிடைக்க வழிவகை செய்தார்.

தாமிரபரணி மணல் கொள்ளை வழக்கு

நெல்லை Thamirabarani River ஆற்றில் நடைபெற்ற மணல் கொள்ளைக்கு எதிராக சட்டப்போராட்டம் நடத்தியவர் நல்லகண்ணு. நீதிமன்றத்தில் தானே வாதாடி வெற்றி பெற்றார். இதனால் உயர்நீதிமன்றம் மணல் அள்ள தடை விதித்தது.

இது சுற்றுச்சூழல் பாதுகாப்பில் முக்கியமான வெற்றியாக பார்க்கப்படுகிறது.

பணத்தை விரும்பாத தலைவர்

80வது பிறந்த நாளில் சேகரிக்கப்பட்ட ஒரு கோடி ரூபாயை கட்சிக்கே திருப்பி வழங்கினார்.

தமிழக அரசு வழங்கிய Thagaisal Thamizhar Award மற்றும் பரிசுத் தொகையையும் பொதுநலத்திற்கே வழங்கினார்.

அம்பேத்கர் விருது தொகையையும் கட்சி மற்றும் தொழிலாளர் சங்கத்திற்கே வழங்கியவர்.

எளிமையான வாழ்க்கை

சுமார் 80 ஆண்டுகள் அரசியலில் இருந்தாலும், அவர் எப்போதும் MLA அல்லது MP பதவியில் இருந்ததில்லை. சொந்த வீடு, ஆடம்பரம் எதுவுமின்றி எளிமையாக வாழ்ந்தார்.

சிகிச்சைக்காக கூட Rajiv Gandhi Government General Hospital மருத்துவமனையிலேயே அனுமதிக்கப்பட்டிருந்தார்.

“நவீன கக்கன்” என்று அழைக்கப்பட்டவர்

எளிமை, நேர்மை, தன்னலமின்மை – இந்த மூன்று குணங்களின் உருவாக வாழ்ந்தவர் நல்லகண்ணு.

மக்கள், கட்சி, அரசியல் என்றே தனது வாழ்நாளை அர்ப்பணித்த அவர் உண்மையான மக்கள் போராளி.

அவரது வாழ்க்கை, அரசியலில் இருப்போருக்கு ஒரு முன்மாதிரியாக என்றும் நினைவில் நிற்கும்.