Jobs

TNPSC வேலைவாய்ப்பு 2025: அரசு உதவி வழக்குரைஞர் (Level-II) – 61 காலியிடங்கள்

தமிழக அரசின் குற்ற வழக்கு தொடர்வு துறையில் காலியாக உள்ள 61 அரசு உதவி வழக்குரைஞர் (நிலை-II) பணிகளுக்கான நேரடி நியமன அறிவிப்பை தமிழ்நாடு அரசுப் பணியாளர் தேர்வாணையம் (TNPSC) வெளியிட்டுள்ளது. தகுதியான விண்ணப்பதாரர்கள் டிசம்பர் 31, 2025 வரை ஆன்லைன் மூலம் விண்ணப்பிக்கலாம்.

பணி விவரம்

அறிவிப்பு எண்: 18/2025
பதவி: அரசு உதவி வழக்குரைஞர் – நிலை II
மொத்த காலியிடங்கள்: 61

கல்வித் தகுதி

அரசு அங்கீகாரம் பெற்ற பல்கலைக்கழகத்தில் சட்டப் பிரிவில் இளநிலை பட்டம் (LL.B) பெற்றிருக்க வேண்டும்.
வழக்குரைஞர் சங்கத்தில் உறுப்பினர் பதிவு கட்டாயம்.
குற்றவியல் நீதிமன்றங்களில் குறைந்தது 5 ஆண்டுகள் வழக்கு நடத்திய அனுபவம் இருக்க வேண்டும்.
10ஆம் வகுப்பு அல்லது அதற்கு இணையான தேர்வில் தமிழ் ஒரு மொழிப் பாடமாக படித்திருக்க வேண்டும்.
தேர்வு செய்யப்பட்டவர்கள் பணி நியமன நேரத்தில் உடல் தகுதிச் சான்றிதழ் சமர்ப்பிக்க வேண்டும்.

வயது வரம்பு

1.7.2025 அன்றைய நிலவரப்படி குறைந்தபட்ச வயது 26.
வயது சலுகை விவரங்கள் அதிகாரப்பூர்வ அறிவிப்பில் வழங்கப்பட்டுள்ளது.

தேர்வு முறை

முதல்நிலைத் தேர்வு
முதன்மைத் தேர்வு
நேர்முகத் தேர்வு
முதல்நிலைத் தேர்வு 15.02.2026 அன்று நடைபெறும். மற்ற தேர்வு தேதிகள் பின்னர் அறிவிக்கப்படும்.

கட்டண விவரம்

ஒருமுறை பதிவுக் கட்டணம்: ₹150
முதல்நிலைத் தேர்வு கட்டணம்: ₹100
முதன்மைத் தேர்வு கட்டணம்: ₹200
அனைத்து கட்டணங்களும் ஆன்லைன் மூலம் செலுத்த வேண்டும். கட்டண விலக்கு விவரங்கள் அறிவிப்பில் குறிப்பிடப்பட்டுள்ளது.

விண்ணப்பிக்கும் முறை

விண்ணப்பத்தை TNPSC இணையதளமான https://tnpsc.gov.in இல் ஆன்லைனில் சமர்ப்பிக்கலாம்.

ஆன்லைன் விண்ணப்பிக்க கடைசி நாள்: 31.12.2025
மேலும் விவரங்கள் அறிய இங்கே கிளிக் செய்து தெரிந்துகொள்ளவும்.