ஆணின் உறுப்பை பெண் பிறப்புறுப்பின் மேல் வைத்தால் அது பலாத்காரமில்லை; பலாத்கார முயற்சித்தான்! சத்தீஸ்கர் உயர்நீதிமன்றம் பரபரப்பு தீர்ப்பு!

Chhattisgarh High Court ஒரு முக்கிய தீர்ப்பில், முழுமையான உட்புகுத்தல் (penetration) நிரூபிக்கப்படாததால், அது ‘பலாத்காரம்’ அல்ல ‘பலாத்கார முயற்சி’ என கருதப்பட வேண்டும் என்று தெரிவித்துள்ளது. இதன் அடிப்படையில் குற்றவாளிக்கு விதிக்கப்பட்ட 7 ஆண்டு கடுங்காவல் சிறைத் தண்டனை 3½ ஆண்டுகளாக குறைக்கப்பட்டது.

இந்த தீர்ப்பை நீதிபதி Narendra Kumar Vyas வழங்கினார். அவர் தனது தீர்ப்பில், குற்றவாளியின் நோக்கம் குற்ற நோக்கம்தான் என்றாலும், இந்திய தண்டனைச் சட்டம் (IPC) பிரிவு 375ன் கீழ் பலாத்காரம் நிரூபிக்க தேவையான முழுமையான புகுத்தல் சந்தேகத்திற்கிடமின்றி நிரூபிக்கப்படவில்லை என்று குறிப்பிட்டார்.

2004ல் நடந்த சம்பவம்

இந்த வழக்கு 2004 மே 21ஆம் தேதி சத்தீஸ்கர் மாநிலத்தின் தம்தாரி மாவட்டத்தில் நடந்த சம்பவத்தைச் சார்ந்தது. குற்றம்சாட்டப்பட்ட இளைஞர், பெண்ணை வலுக்கட்டாயமாக தனது வீட்டுக்கு இழுத்துச் சென்று, அறையில் அடைத்து வைத்து, கைகள் மற்றும் கால்களை கட்டி, பாலியல் வன்முறை முயற்சியில் ஈடுபட்டதாக குற்றச்சாட்டு எழுந்தது.

பின்னர் பெண்ணின் தாய் அவரை மீட்டு, காவல்நிலையத்தில் புகார் அளித்தார். இதையடுத்து வழக்குப்பதிவு செய்யப்பட்டு விசாரணை தொடங்கியது.

மருத்துவ அறிக்கை முக்கிய காரணம்

மருத்துவ பரிசோதனையில், பெண்ணின் கன்னித்தோல் கிழியாமல் இருந்தது உறுதி செய்யப்பட்டது. மேலும், உடல் ரீதியான தொடர்பு மற்றும் விந்து வெளியேற்றம் நடந்ததற்கான சான்றுகள் இருந்தாலும், முழுமையான உட்புகுத்தல் நடந்ததற்கான ஆதாரம் இல்லை என நீதிமன்றம் கவனித்தது.

இதனால், IPC பிரிவு 376(1)ன் கீழ் வழங்கப்பட்ட பலாத்கார தண்டனை, 376 மற்றும் 511 (பலாத்கார முயற்சி) பிரிவுகளின் கீழ் மாற்றப்பட்டது.

முன் நீதிமன்ற தீர்ப்பு

மேல்முறையீட்டில், இந்த வழக்கு நீதிபதி Narendra Kumar Vyas அமர்வில் விசாரிக்கப்பட்டது. மருத்துவ அறிக்கை மற்றும் பாதிக்கப்பட்டவரின் வாக்குமூலம் ஆய்வு செய்யப்பட்டது.

மருத்துவ அறிக்கையில் முழுமையான உட்புகுத்தல் நடந்ததற்கான ஆதாரம் இல்லை என்பது உறுதி செய்யப்பட்டது. உடல் ரீதியான தொடர்பு மற்றும் விந்து வெளியேற்றம் இருந்தாலும், பெண்ணுறுப்பின் உள்ளே விந்து செலுத்தப்பட்டதற்கான உறுதியான சான்றுகள் இல்லை என நீதிமன்றம் குறிப்பிட்டது.

இதனால் IPC பிரிவு 375ன் கீழ் பலாத்காரம் நிரூபிக்க முடியவில்லை என்று தெரிவித்த நீதிமன்றம், இந்த செயல் ‘பலாத்கார முயற்சி’ எனக் கருதி IPC 376 உடன் 511 பிரிவின் கீழ் தண்டனையை மாற்றியது.

சட்ட ரீதியான விளக்கம்

இதன் அடிப்படையில், 7 ஆண்டு கடுங்காவல் சிறைத்தண்டனை 3½ ஆண்டுகளாக குறைக்கப்பட்டது. ஆனால் சட்டவிரோதமாக அடைத்து வைத்த குற்றத்திற்கான தண்டனை தொடரும் என நீதிமன்றம் தெரிவித்துள்ளது.

இந்த தீர்ப்பு, 2013ம் ஆண்டு சட்ட திருத்தத்திற்கு முன் அமலில் இருந்த IPC விதிகளின் அடிப்படையில் வழங்கப்பட்டதாகும்.