இந்தியர்கள் 40 கோடி பேர் வறுமையில் மூழ்கும் அபாயம்!!

உலக தொழிலாளர்கள் அமைப்பு வெளியிட்டுள்ள அறிக்கையில், கொரோனா வைரஸ் காரணமாக இந்தியாவில், முறைசாரா பொருளாதாரத்தில் பணிபுரியும் கிட்டத்தட்ட 90 சதவீத மக்களுடன், முறைசாரா பொருளாதாரத்தில் சுமார் 40 கோடி இந்திய தொழிலாளர்கள் நெருக்கடியின் போது வறுமையின் பிடியில் சிக்கும் அபாயம் உள்ளது என எச்சரித்துள்ளது.

பலவீனம், நீடித்த மோதல், தொடர்ச்சியான இயற்கை பேரழிவுகள் அல்லது கட்டாய இடப்பெயர்வு ஆகியவற்றை அனுபவிக்கும் நாடுகள் தொற்றுநோயால் பல சுமைகளை சந்திக்கும் என்று அறிக்கை மேலும் கூறியுள்ளது.

கொரோனா வைரஸால், ஏற்கனவே லட்சக்கணக்கான முறைசாரா தொழிலாளர்கள் வாழ்வாதாரம் பாதிக்கப்பட்டுள்ளது. ஊரடங்கு மற்றும் பிற கட்டுப்பாடுகள் காரணமாக, இந்தியா, நைஜீரியா, பிரேசில் ஆகிய நாட்டின் தொழிலாளர்கள் கணிசமாக பாதிப்படைந்துள்ளனர்.

முழு ஊரடங்கு மற்றும் பகுதி ஊரடங்கால் 270 கோடி தொழிலாளர்கள் உலகம் முழுக்க பாதிக்கப்பட்டுள்ளனர். இது உலக தொழிலாளர்கள் எண்ணிக்கையில் 81 சதவீதம் ஆகும்.

உலகளவில், இரண்டு பில்லியன் மக்கள் முறைசாரா துறையில் வேலை செய்கிறார்கள் (பெரும்பாலும் வளர்ந்து வரும் மற்றும் வளரும் பொருளாதாரங்களில்) மற்றும் குறிப்பாக ஆபத்தில் உள்ளனர்.

மேலும், தொழிலாளர்களுக்கு ஊதியக் குறைப்பு, பணிநேரம் குறைப்பு, தகுதிக்கும் குறைந்த பணி போன்ற சிக்கல்கள் ஏற்படும். முக்கிய துறைகளான சில்லறை வர்த்தகம், தங்குமிடம் மற்றும் உணவு சேவைகள் துறை, உற்பத்தி துறை ஆகியவை வேலைவாய்ப்பில்லாதவைகளாக மாறியுள்ளன. துரித கதியிலான நடவடிக்கைகள் தான் மக்களை காப்பாற்றும். இவ்வாறு அதில் கூறப்பட்டுள்ளது.