பெயர், முகவரி இல்லாமல் ஆதார் கார்டு – இனி பெறப்படும் புதிய சிறப்பம்சம்! UIDAI வெளியிட்ட முக்கிய அறிவிப்பு
ஆதார் அடையாள அட்டையின் பாதுகாப்பை மேம்படுத்தும் நோக்கில் UIDAI புதிய மாற்றத்தை அறிமுகப்படுத்தியுள்ளது. இனி ஆதார் கார்டில் பெயர், முகவரி போன்ற தனிப்பட்ட விவரங்கள் காட்டப்படாமல், QR கோடு மட்டுமே உள்ள பேப்பர்லெஸ் ஆதார் (Paperless Aadhaar) வடிவத்தை பயன்படுத்தலாம். இதன் மூலம் உங்கள் தனிப்பட்ட தகவல்கள் வெளியாகாமல் பாதுகாப்பாக பகிர முடியும்.
இந்த புதிய முறையில் உள்ள QR கோடை ஸ்கேன் செய்வதன் மூலம் தேவையான சரிபார்ப்பு விவரங்கள் கிடைக்கும். அதை அரசு அமைப்புகள், தனியார் நிறுவனங்கள் உள்ளிட்டவை பயன்படுத்த முடியும். இதற்காக UIDAI வழங்கியுள்ள புதிய mAadhaar App மிகவும் உதவியாக இருக்கும்.
தனி நபர்கள், நிறுவனங்களுக்கு பொதுமக்களின் ஆதார் விவரங்கள் கிடைக்க வேண்டிய சூழலில் அதிகபட்சமாக குறைந்தளவு விவரங்களே கிடைக்க வேண்டும் என்ற நோக்கில் இந்த புதிய பாதுகாப்பு நடைமுறையை UIDAI அறிமுகப்படுத்தியுள்ளது. இதனால் தேவையற்ற தகவல்கள் வெளியாவதற்கான அபாயம் குறைக்கப்படும்.
ஆதார் அட்டையை தவறாக பயன்படுத்தும் செயல்களைத் தடுக்கும் வகையில் இந்த டிஜிட்டல் ஆதார் பயன்பாட்டை மேம்படுத்த UIDAI பல புதிய பாதுகாப்பு அம்சங்களை கொண்டு வந்துள்ளது. இதன் மூலம் பொதுமக்கள் பாதுகாப்பு மற்றும் தனியுரிமை அதிகரிக்கும்.
ஆதார் விவரங்களை உறுதிப்படுத்த “பேப்பர்லெஸ் ஆதார்” வடிவத்தை எந்த நிறுவனமும் பெற முடியும். நவீன QR கோடு ஸ்கேனர் மட்டும் போதுமானது. இதன் மூலம் அடையாள சரிபார்ப்பு எளிதாகவும் பாதுகாப்பாகவும் இருக்கும்.
UIDAI கூறியதாவது, “12 இலக்க ஆதார் எண்ணை எங்கும் பகிர வேண்டிய அவசியம் இல்லை. QR கோடு ஸ்கேன் செய்தாலே தேவையான தகவல் கிடைக்கும். இது மக்களின் தனியுரிமையை காக்கும்”. என தெரிவித்துள்ளது.
