விஜய் படத்தின் 2ம் பாகமா? ஜேசன் சஞ்சய் சொன்ன பதில்!

ஜேசன் சஞ்சய், விஜய், சிக்மா தொடர்பான பேச்சுகள் தற்போது ரசிகர்கள் மத்தியில் கவனம் பெற்று வருகின்றன. விஜய் நடித்த எந்தப் படத்தின் இரண்டாம் பாகத்தை இயக்க விரும்புகிறீர்கள் என்ற கேள்விக்கு ஜேசன் சஞ்சய் அளித்த பதில் தற்போது வைரலாகி வருகிறது.

விஜய் படத்தின் 2-ம் பாகம் எது?

“போக்கிரி 2’ போன்ற மாஸ் ஆக்‌ஷன் படமா? அல்லது ‘சச்சின் 2’ போன்ற காதல் கதையா? விஜய் நடித்த எந்தப் படத்தின் இரண்டாம் பாகத்தை இயக்க விரும்புகிறீர்கள்?” என ஜேசன் சஞ்சயிடம் கேள்வி எழுப்பப்பட்டது.

அதற்கு அவர், “பத்ரி 2 செய்ய விரும்புகிறேன். அந்தப் படத்தில் ஒரு சிக்மா உணர்வு இருக்கிறது” என்று சுவாரஸ்யமாக பதிலளித்துள்ளார்.

விஜய்யின் ரசிகர்கள் மத்தியில் பிரபலமான படங்களில் ஒன்றான ‘பத்ரி’ படத்தின் இரண்டாம் பாகத்தை இயக்க விரும்புவதாக ஜேசன் சஞ்சய் கூறியிருப்பது தற்போது கவனம் பெற்றுள்ளது.

ஜேசன் சஞ்சய் இயக்கும் சிக்மா

நடிகரும் தமிழக முதலமைச்சருமான விஜய்யின் மகன் ஜேசன் சஞ்சய், ‘சிக்மா’ திரைப்படத்தின் மூலம் இயக்குநராக அறிமுகமாகிறார்.

லைகா புரொடக்ஷன்ஸ் தயாரிக்கும் இப்படத்தில் சுதீப் கிஷன் கதாநாயகனாக நடித்துள்ளார். எஸ். தமன் இசையமைக்கும் இப்படத்தின் டிரெய்லர் அண்மையில் வெளியாகி ரசிகர்கள் மத்தியில் கவனம் பெற்றது.

தற்போது ‘சிக்மா’ படத்தின் புரமோஷன் பணிகளில் ஜேசன் சஞ்சய் தீவிரமாக ஈடுபட்டு வருகிறார். அந்த வகையில் நடைபெற்ற நிகழ்ச்சி ஒன்றில் அவர் தனது அடுத்தகட்ட சினிமா விருப்பம் குறித்தும் பேசியுள்ளார்.

தனது சிறுவயது நினைவுகளைப் பகிர்ந்து கொண்ட ஜேசன் சஞ்சய், விஜய்யுடன் இணைந்து பல திரைப்படங்களை பார்த்ததாக தெரிவித்துள்ளார்.

அப்போது, “சின்ன வயசுல அப்பாவுடன் நிறைய படங்கள் பார்த்திருக்கிறேன். ‘போக்கிரி’ படம் எப்போதுமே நினைவில் இருக்கும். அப்போது ஒரு பக்கம் அப்பா படம், இன்னொரு பக்கம் அஜித் சார் படம்… பயங்கரமாக இருந்துச்சு” என்று அவர் கூறியுள்ளார்.

விஜய் – அஜித் படங்கள் ஒரே காலகட்டத்தில் வெளியாகி ரசிகர்கள் மத்தியில் உருவாக்கிய போட்டி மனநிலையையும், அந்த காலகட்டத்தை சிறுவயதில் தான் பார்த்த அனுபவத்தையும் ஜேசன் சஞ்சய் இந்தப் பேட்டியில் நினைவுகூர்ந்துள்ளார்.

ஜேசன் சஞ்சயின் ‘சிக்மா’ மீது எதிர்பார்ப்பு

இயக்குநராக ஜேசன் சஞ்சய் அறிமுகமாகும் ‘சிக்மா’ திரைப்படம் குறித்த எதிர்பார்ப்பு ரசிகர்கள் மத்தியில் அதிகரித்து வருகிறது. டிரெய்லர் வெளியானதை தொடர்ந்து படத்தின் கதை மற்றும் கதாபாத்திரங்கள் குறித்து சமூக வலைதளங்களில் பல்வேறு கருத்துகள் பகிரப்பட்டு வருகின்றன.

இந்நிலையில், விஜய் நடித்த படங்களில் தனக்கு பிடித்தமான ‘பத்ரி’ படத்தின் இரண்டாம் பாகத்தை இயக்க விரும்புவதாக ஜேசன் சஞ்சய் கூறியிருப்பது அவரது சினிமா ரசனையை வெளிப்படுத்தும் வகையில் அமைந்துள்ளது.

‘சிக்மா’ மூலம் இயக்குநராக அவர் எப்படிப்பட்ட கதைக்களத்தை கையாண்டுள்ளார் என்பதற்கான பதில் படம் வெளியாகும்போது தெரியவரும்.