மலேசியா ரேஸ் சர்க்யூட்டில் அஜிதை சந்தித்த சிம்பு! இணையத்தில் வைரலாகும் வீடியோ

அஜித் குமார் நடித்த ‘குட் பேட் அக்லி’ படத்திற்குப் பிறகு, இயக்குநர் ஆதிக் ரவிச்சந்திரனுடன் இணைந்து அஜித் 64 எனக் குறிப்பிடப்படும் புதிய படம் தொடங்க உள்ளதாக ஏற்கனவே தகவல்கள் வெளியாகியுள்ளன. அதற்கு முன்பு, கார் பந்தய வீரராகவும் பிரபலமான அஜித், தற்போது மலேசியாவில் நடைபெறும் சர்வதேச ரேசிங் நிகழ்வில் பங்கேற்று வருகிறார்.

ரேசிங் முடிந்ததும் அடுத்த படப்பிடிப்பில் அவர் இணைவார் என எதிர்பார்க்கப்படுகிறது.

இந்நிலையில், மலேசியாவில் நடைபெறும் இந்த ரேஸில் அஜித்தை நேரில் சந்திக்க நடிகர் சிம்பு (STR) வந்துள்ளார். அஜித்தின் ரேசிங் அணியின் ஜெர்ஸியை அணிந்து சர்க்யூட்டிற்கு வந்த சிம்புவை ரசிகர்கள் உற்சாகமாக வரவேற்றனர். இரண்டு பேரையும் ஒரே ஃப்ரேமில் காணும் வாய்ப்பு கிடைத்ததால் அஜித்–சிம்பு ரசிகர்கள் இருவரும் சமூக வலைதளங்களில் சந்தோஷத்தை வெளிப்படுத்தினர்.

அவர்களின் தோழமைக்கான இந்த தருணம் பதிவு செய்யப்பட்ட வீடியோக்கள் தற்போது இணையத்தில் வேகமாக வைரலாகி வருகின்றன.